2017 წლის 27 ივნისს, „საქართველოს დემოკრატიულმა ინიციტივამ“ „თეთრი ხმაურის მოძრაობასთან“ ერთად კიდევ ერთხელ მიმართა საქართველოს პროკურატურას შოთა პაკელიანისთვის დაზარალებულის სტატუსის მინიჭებასთან დაკავშირებით.
საქართველოს პროკურატურამ დააკმაყოფილა GDI -ისა და „თეთრი ხმაურის მოძრაობის“ განცხადება, შოთა პაკელიანს დაზარალებულის სტატუსი მიანიჭა.
მიმდინარე გამოძიების ფარგლებში შოთა პაკელიანის ინტერესებს „საქართველოს დემოკრატიული ინიციატივა“ და „ თეთრი ხმაურის მოძრაობა“ დაიცავენ.
2017 წლის 22 ივნისს მედიაში გავრცელებული კადრებიდან გაირკვა, რომ პაკელიანი არა დაკავებისას, როგორც ეს ჩხრეკისა და ამოღების ოქმშია მითითებული, არამედ დაკავების შემდეგ, შინაგან საქმეთა სამინისტროს ისანი-სამგორის სამმართველოს პოლიციის მე-7 განყოფილების შენობაში გაჩხრიკეს და გარეშე პირების თანდასწრებით გააშიშვლეს.
